كود سبور//

عبر الجنوب إفريقي رولاني موكوينا مدرب الفريق الأحمر على الفرحة ديالو بالرباح اللي حقق الفريق على شباب السوالم، البارح السبت فتيران العربي الزاولي برسم الدورة 14 من البطولة الاحترافية لكرة القدم، وأكد أن الفريق الخصم ما كانش سهل ولكن ارتكب أخطاء هي اللي تسببت له فالخسران.

وقال رولاني موكوينا بعد فوز الوداد الرياضي على شباب السوالم بنتيجة 3 لزيرو: “كانهدي لجمهور الوداد الرباح على السوالم، اللي دارو فرص مهمين علينا ولكن دارو أخطاء وأنا فرحان بهذه النتيجة”.

وكمل مدرب الوداد: “البطولة المغربية صعيبة ومستوى الأندية فيها متقارب واليوم ربحنا السوالم اللي ما قدرناش نربحوهم العام الماضي، مازال خاصنا نخدمو والجمهور كايتسنا الرباح وراني فخور بالخدمة اللي درت أنا واللاعبين”.