كود سبور//

أكد الجنوب إفريقي رولاني موكوينا مدرب الوداد الرياضي أن الماتش ضد الفتح الرياضي ما كانش ساهل، وأن الفضل فالرباح للاعبين، ووضح بأنه ما عندوش مشكل فتعيين مساعد له يكون مغربي.

وقال رولاني موكوينا فتصريح له بعدما سالا الماتش بين الوداد الرياضي والفتح الرياضي ضمن الدورة 9 من البطولة الاحترافية بواحد لزيرو لمصلحة الفريق الأحمر: “الماتش كان صعيب ضد الفتح الرياضي، والرباح كان فيه بفضل اللاعبين اللي دارو ماتش مزيان واخا الصعوبات، والهدف ديالنا هو نفرحو الجمهور”.

وبخصوص تعيين مدرب مساعد مغربي، قال موكوينا: “ما عندي حتى مشكل يكون عندي مساعد مغربي، وحنا غير دايزين من هنا والواحد ملي يمشي خاصو يخلي باسي زوين مع الفريق ودابا خاصنا نتبعو داكشي اللي باغي الرئيس هشام آيت منا والمكتب المديري، أما أنا ما عندي حتى شي مشكل فتعيين مساعد ليا مغربي، خاص غير شي واحد يكون كايعرف أسلوب اللعب فالمغرب”.