گود سبور//

ما غيكونش المدرب الجنوب إفريقي رولاني موكوينا حاضر مع الوداد الرياضي، اليوم الاحد ضد فريق شباب المحمدية فتيران البشير بالمحمدية برسم الدورة 21 من البطولة الاحترافية، حيث مازال ما رجع من الگنازة ديال جداه فجنوب إفريقيا.

ومن المنتظر يقود المدرب المساعد يوسف أشامي الوداد الرياضي مساء اليوم الاحد ضد فريق شباب المحمدية، حيث موكوينا ورغم المحاولات اللي داروه مكتب الوداد برئاسة آيت منا باش يكون حاضر المدرب فالماتش ولكن ما غايوصل حتى غدا الاثنين.

وبالنسبة للاعبين اللي غايبين على الوداد الرياضي ضد شباب المحمدية، فيتعلق الأمر بكل من بيدرينيو وأيوب بوشتة اللي موعتين وعندهم إصابات، في حين قدر الفريق يسترجع خدمات كل من أسامة زمراوي وحمزة الساخي اللي كانو موعتين.