وكالات//

طاحت النجمة العالمية ليدي كَاكَا لحادث بشكل مفاجئ وسط حفلة غنائية كانت دايراها نهار السبت بالليل، فإطار الجولة ديالها اللي مسمّياها  “Mayhem Ball”، فقاعة T-Mobile  Arena  بمدينة لاس فيغاس.

ومللي كانت كتغني أغنيتها “Vanish Into You”، طاحت غاغا قدّام الجمهور اللي كان جالس فالأماكن الأمامية، بعدما كانت كتحاول تعاون واحد من المصورين اللي فقد التوازن ديالو وهو نازل من فوق الخشبة.

ورغم أن الطيحة كانت محرجة وتصورات بكاميرات الجمهور وانتاشرات فمواقع التواصل، غاغا وقفات بمساعدة الفريق ديالها وكملت الحفل ديالها بلا ما تبان عليها شي حاجة، والجمهور صفق وشجعها بزاف.

هاد الحفلة كتدخل ضمن الأسبوع الأول من الجولة العالمية ديال ليدي غاغا، اللي بدات نهار 16 يوليوز، ومن المنتظر تكمل حتى يناير الجاي، وغادي تسالي فاليابان.

وغاغا ماشي اللولى لي طكيح، بحيث وقعو حالات بحال هادي لنجوم آخرين، كيف ما وقع لبيونسيه اللي تشدات فالهوا خلال عرض فولاية تكساس بسباب مشكل فواحد المنصة المتحركة، ولكن كملت الغنا ديالها بعدما عاونوها وقالت للمعجبين ديالها: “إلى طحت شي نهار، كنأكد ليكم أنكم غادي تشدوني”.