وكالات//

قال موقع” Le vin” فمقال له على انواع النبيذ فالعالم واغلاها فالعالم، ان القاعدة الذهبية باش كنقيمو النبيذ هي التذوق العميق للنبيذ ونحسو بالتوازن ديالو.

وأضاف أنه باش نفهمو علاش كاينين انواع نبيذ كتكلف مئات الآلاف من اليورو كيخصنا نكونو دخلنا الأسطورة والقصة ديال النبيذ.

وذكر الموقع بعض اغلى انواع النبيذ فالعالم اللي من بينها “Château Cheval Blanc” اللي تصنع ف 1947 عام وفعام2010 ،تباعت منو 6 لتر بمبلغ 304،375 دولار فمزاد فجنيف، وفسر المصدر ان ” Cheval blanc” كان أحد أرقى أنواع النبيذ فالقصور فبوردو وهادشي اللي كيفسر هاد البيع التاريخي.

وذكر نوع من الشمبانيا ” Heidsieck & Monopole C ° 1907, اللي كتعتبر من اغلى أنواع النبيذ اللي شراها واحد فمزاد بمبلغ 224000 يورو.
وأشار الموقع باش يشرح ويفسر القصة ديال هاد الشمبانيا وعلاش غالية انه فالحرب العالمية الأولى كانت هاز باطو من السويد 3000 قرعة من هذه الشمبانيا للقيصر نيكولاس الثاني فسانت بطرسبرغ، وفي 3 نوفمبر 1916 ، ضربات غواصة ألمانية الباطو وغرق، ولكن فعام 1998, لقات غواصة سويدية حطام غواصة يونشوبينغ ولقاو تقريبا حوالي 2400 قرعة شمبانيا ماوقع ليها والو، بحيث بقاو 80 عامً تحت المحيط فصنادق الخشب فظروف مثالية.

وأضاف الموقع ان “صراخ النسر” كيتعتبر ثاني أغلى نبيذ فالعالم اللي كيرجع لسنة 1992 تصنع فمصنع نبيذ Screaming Eagle، وتباع با 424000.

بالإضافة ل”Domaine de la Romanée-Conti” اللي حطم الارقام القياسية وولا اغلى قرعة فالعالم ووصل ثمنو 558 ألف دولار، كيرجع لسنة 1945و تباع سنة 2018 فا” Sotheby’s New York House ، وهي واحدة من أشهر وأقدم دور المزادات الفاخرة.