وكالات//
قالت مصادر مطلعة لموقع “بيغ سيكس” البريطاني إن علاقة الزواج بين الممثل بين أفليك والمغنية جينيفر لوبيز سالات من شهر مارس لي فات.
وقالت نفس المصادر إن العلاقة سلات رسميا واخا هاد الثنائي كيحاول يبان قدام الناس أنه باقي مجموع، وقال أنهم أجلوا الإعلان الرسمي على الانفصال ديالهم.
وأكد الموقع أن بزاف ديال الدلائل كتأكد هاد الخبر من بينه أن بين أفليك ماحضرش لبزاف ديال الأعمال لي دارتها مراتو مؤخرا، سواء الفيلم الأخير ديالها أو حتى الحفلات.
من جهتها، اختارت جينيفر لوبيز أنها تدوز العطلة ديالها في الطاليان وفرانسا مع عائلتها وصحابها المقربين، ومكانش معاها بين.
