وكالات//

صدرات البلدية ديال تونس العاصمة قرار باش يتحيدو اللافتات ديال الموقع المتخصص في الطلاق، وعطات أسبوعين باش يتسحبو ولا غادي تاخذ الاجراءات الضرورية.

هاد الموقع دار البوز بعدما انتشرو اللافتات في لمدينة فيها إشهار ديال موقع إلكتروني كيساعد الناس باش يطلقو، وداير الشعار ديالو: “طلاقك قرارك والإجراءات علينا”.

النقابة ديال المحاميين التونسيين دارت بيان رسمي وحذرات الناس من التعامل مع هاد الموقع، وقالت إنها غادي تاخذ الإجراءات المناسبة ضد الناس لي داروه لأنه خارج القانون.