كود ـ كازا//

قال موقع “traveling life Style “في مقال نشرو بعنوان “7 د الأسباب تخليك تسافر للمغرب ف 2023” إن المغرب وجهة سياحية مهمة كتجمع بين مطبخ متنوع ومعمار وبحر وصحراء.

وأضاف أن المعمار المغرب ستيل غريب ومختلف صعيب يتلقا فابلاصة اخرى فالعالم بالإضافة للقطوط اللي عامرة بيهم شوارع وكيبغيو الناس.

وأشار أيضا، للمطبخ المغربي للي فيه مأكولات صحية وأطباق بنينة فحال كسكسو، الحوت والطاجين، بالإضافة للفواكه المحلية اللي كتتباع فالشوارع وسواقات.

وهضر على الصحراء للي قليل اللي شافها وقلال الناس اللي مشاو ليها وتساراو فيها على الجمل والمدن المغربية للي وحدة ماكتشبه للأخرى فحال مراكش، فاس اللي كتعطي تجربة ثقافية وكتخليك تنغمس فتاريخ المغرب، شفشاون، وتغازوت والمدن الساحلية والجو المعتدل.