كريم الصوفي – كود //
[email protected]

أبرز موقع إخباري فمدينة مليلية كلاشا حكومة مليلية وانتقدها بشدة بسباب أزمة الحراگة القاصرين وقاليها بالمختصر المفيد أن “الأزمة مع المغرب ماش مبرر باش نهملو الحراگة القاصرين ونخليوهم كينعسو فين مكان. هاذ الشي راه المسؤولية ديالنا”.

الموقع المذكور وضح أن إهمال السلطات المحلية للمهاجرين الأجانب غير المصحوبين بذويهم، خلاهم كيعانيو من ظروف خايبة بزاف وفريسة سهلة لشبكات الدعارة وتنمر العنصريين والمؤيدين ديال خطاب الكراهية بالمجتمع المحلي.

وحذر “الفارو مليلية” من الاوضاع المعيشية اللي خلات هاذ الحراگة القاصرين كينعسو فين مكان ف الجرادي او البحر ف النهار كيبقاو قدام المحلات التجارية كيتسولو الناس باش يلقاو ما ياكلو. وأضاف أن مشكلة القاصرين الأجانب غير المصحوبين بذويهم هي أزمة كتعيشها إسبانيا منذ التسعينيات، وأنه ما يمكنش نتخلاو عن مسؤوليتنا اتجاه أطفال ينامون في شوارع مليلية.

Niños durmiendo en las escolleras de Horcas Coloradas, en Melilla