وكالات //

كشفات بزاف ديال التقارير الصحفية الميركانية أن موظف سابق فشركة “بوينغ” ديال الطيارات انتاحر فظروف غامضة بعد فترة قصيرة من التصريحات ديالو ضد الشركة.

الانتحار ديال هاد الموظف الميريكاني السابق فالشركة لي سميتو جون بارنيت، جا أيام قليلة من بعد ما قدم الشهادة ديالو ضد الشركة على معايير السلامة فيها ف الدعوى لي رفعها ضدها في المحكمة.

بارنيت لي دوز 32 عام ديال السرفيس مع الشركة العملاقة ديال الطيران، لقاوه ميت فالطوموبيل ديالو فواحد الباركينغ، وكيقولو البوليس أنه مات بسباب الضربات الخايبة لي ضرب بيها راسو.