الرئيسية > آش واقع > موظفي البنك الشعبي كاعيين على الادارة ديالهوم. دازت علينا كحلة فكورونا ودرتو تمييز خايب بين موظفي الوكالات
01/04/2021 15:01 آش واقع

موظفي البنك الشعبي كاعيين على الادارة ديالهوم. دازت علينا كحلة فكورونا ودرتو تمييز خايب بين موظفي الوكالات

موظفي البنك الشعبي كاعيين على الادارة ديالهوم. دازت علينا كحلة فكورونا ودرتو تمييز خايب بين موظفي الوكالات

كريم الشركي-كود///

موظفي البنك الشعبي توصلو قبل ايام بتعويضات الاداء ديال 2020، وهي التعويضات لي خلات غالبية الموظفين دالبنكة فالمغرب يعبرو عن غضبهم من الطريقة لي رطعات كتمشى بيها بنكتهم فالسنوات الاخيرة.

مصدر ل”كود”، قال ان ادارة البنكة دارت واحد التعويضات ماعندها لا راس لا رجلين، ومشات عطات لرؤساء الوكالات عشرة اضعاف ديكشي لي عطاتو للموظفين، رغم ان الموظف هي لي كان ففم المدفع خلال جائحة كورونا، وفوقت الخطر كان مدير الوكالة كيبقى فالبيرو ديالو مكيستقبل تاواخد في حين الموظف هو لي كيستقبل جميع الناس.

وزاد المصدر :” حنا ماشي ضد التعويض لي تعطى لمدراء الوكالات، بل بالعكس هوما كيستاهلوه، ولكن ميمكنش تعطي عشرين الف درهم لمدير الوكالة، والموظف تعطيه الفين درهم، راه هادشي دار واحد حالة غضب كبيرة وسط الموظفين، لي رجعو كيتساءلو واش حنا ملزمين من هنا الفوق نديرو اداء مزيان ونعطيو جهدنا كامل وفالاخير الادارة ماكدير حتى تقدير لهاد الجهد”.

وختم المصدر بالقول ان الموظفين بداو كيتاخذو قرارات بالعمل على قدر التعويض، يعني يلا كان التعويض فيه تمييز وهزيل، غايكون الجهد والأداء كذلك، مادام ان هاد الادارة كتفكر فمصلحتها فكل واحد يفكر فمصلاحتو”.

وفي ذات السياق، هاجمت نقابة البنك الشعبي بجهة الدار البيضاء السطات، مدراء الموارد البشرية البالغ عددهم 25 مديرا، معتبرة أنهم المسؤولين عن هذا التسيب والاجحاف الذي لحق الموظفين، ومنه حذف تعويضات القفة بدون اخبار أو سند قانوني، والتعويضات الدسمة للمدراء والهزيلة للموظفين.

وطالبت النقابة، موظفي البنك الشعبي بالالتجاء للوقفات الاحتجاجية ضد الادارة في حال لم يتم فتح حوار بخصوص ما يقع داخل البنك.

موضوعات أخرى

18/04/2021 19:00

واش داك المسلسل ديال بنات العساس كايضحكو على المتفرج ؟! جايبين منى فتو عندها خمسين عام و بوطازوت عندها ربعين عام باش يمثلو الدور ديال مراهقات صدقو كايبانو متخلفات عقليا ! عيالات شخشات كولا وحدة يا وحدة دايرين گرينات و كاينقزوا هادو ماشي بنات العساس هادو عيالاتو !

18/04/2021 18:01

الامين العام لحزب ولد زروال كيهدر على المنافسة الشريفة والضغط على المرشحين. ايلى كان مشكلة فقضية بيع العلمي لشركتو ولا قضية المحروقات علاش حزبكم ضرب الطم وما عمرو هدر وعلاش كتكذب على لمغاربة. كلشي يهدر على لفضايح السياسية الا انتوما يا صحاب البام واش نسيتو السلطة دارت ارهاب لمواطنين فانتخابات 2016 لدعمكم وكون تحشم وخلي غيرك يهدر

18/04/2021 15:30

أكبر بؤرة وبائية فالمغرب ماشي كلها داخلة ف”حظر التجوال الليلي”.. قهاوي خدامين بالليل وماتشات كورة وسيبة فأحياء شعبية