سامي العلوي -گود كازا //

وجه شرف عدو وهو طالب سابق فماستر القانون والسياسات البيئية، ومحام متمرن فالهيأة ديال كازا، إنذار لادارة كلية العلوم القانونية والاقتصادية والاجتماعية عين الشق لي معروفة بطريق الجديدة وتابعة لجامعة الحسن الثاني.

هاد الانذار لي عند “گود” نسخة منو كيقول فيه الطالب المذكور انو جا بزاف ديال المرات للكلية باش ياخذو الرولڤيات ديال نقط الماستر الخاص به باش يدفع بهم الدكتوراه لي غادي يسالي التسجال فيها نهار 7 فهاد الشهر، ولكن الموظفين كيرجعوه ومكيأمبريميوش بيان النقط ويعطيوه للعميد يسنيه.

هاد الطالب والمحامي صيفط مفوض قضائي باش يسالي هاد الفيلم وعطا مهلة ديال 48 ساعة باش يردو عليه، ولا قال انه غادي يمشي مباشرة للمحكمة الادارية.

الى تبت هادشي، وتبين انه بصح فهاد الموظفين غادين غير يورطو العميد عبد اللطيف كمات هكاك وغادي يخليو الكلية تخسر فلوس حيت السيد كيقول بلي ناقش الماستر في 2019 ودابا غادي ندخلو في 2023 ومازال ماعطاوه وراقو.