أنس العمري -كود//

اجتاحت حسابات مغاربة في مواقع التواصل الاجتماعي، موضة جديدة، فيها بزاف من الاستفزاز فعز هاد الظروف الاقتصادية والاجتماعية لي كتعيشها المملكة، نتيجة تداعيات جائحة (كورونا) والجفاف وضرب التضخم للقدرة الشرائية للمواطنين.

هاد الموضة لي ولات تتمثل فتباهي عدد من الأشخاص بثرائهم، عبر نشر فيديوهات وصور لرزامي ديال لفلوس معرمة عندهم، كلها عبارة على أوراق مالية من فئة 100 و200 درهم.

وتظهر فهاد الفيديوهات مبالغ كبيرة محطوطة يإما فحقائب أو خنائشي أو ميكات كبارأو قفف، قبل ما يبداو ماليها يستعرضو بالرزمة بختها، في سلوك ما معروفش الغاية منه.

وقد تحولت هاد الفيديوهات إلى حديث رواد مواقع التواصل الاجتماعي، حيث تعددت التساؤلات على خلفيات هاد “الاستعراض المالي” لي كيدار، خصوصا أنه كيبان من خلال التدقيق فهاد المنشورات أن هاد العرام ديال لفلوس، وهي وقيلة فملكية شباب لي ماشي من الشخصيات المعروفة فمجالات مختلفة.