الرئيسية > كود سبور > موسيماني: عندي عرض من فريق ومن منتخب إفريقي كبير ماكيربحش الألقاب
12/08/2022 07:00 كود سبور

موسيماني: عندي عرض من فريق ومن منتخب إفريقي كبير ماكيربحش الألقاب

موسيماني: عندي عرض من فريق ومن منتخب إفريقي كبير ماكيربحش الألقاب

كود سبور//

عبر الجنوب إفريقي بيتسو موسيماني على أنه جاهز باش يرجع يدرب من جديد، من بعدما انفصل على الأهلي المصري ملي خسر دوري أبطال إفريقيا ضد الوداد الرياضي.

وأكد بيتسو موسيماني من خلال تصريح له خلال المرور ديالو هذا الصباح فواحد البرامج إذاعي كيدوز فراديو 702 فجنوب إفريقيا، وهو التصريح لي تناقلاتو وسائل الإعلام الجنوب إفريقية بشكل كبير، أنه جاهز باش يرجع للتدريب مرة أخرى.

كما قال بيتسو موسيماني أنه عندو عروض وأكد على أن الأمر كيتعلق بفريق ومنتخب، بحيث المسؤولين عليهم استفسرو عليه وعلى امكانية الحصول على الخدمات ديالو.

وفالحديث ديالو على العرض لي عندو من أحد المنتخبات قال موسيماني: “هاذ المنتخب قادر على الفوز بكأس إفريقيا للأمم حيث عندو إمكانيات كبيرة، وأنا كيعجبني هذا النوع من التحديات، وخصوصا أن هذا المنتخب ما حقق والو مؤخرا، كيف ما كان الحال مع الفريق ديالي السابق صن داونز الجنوب إفريقي وبعدها الأهلي لي انتظر حتى جيت أنا باش يفوز بلقب قاري من بعد مدة ديال الغياب”.

https://www.idiskitimes.co.za/local/dstv-premiership/mosimane-opens-up-on-two-job-offers/

موضوعات أخرى

25/09/2022 20:30

رئيس وأعضاء البرلمان الإفريقي مشاو لميناء طنجة: حنا منبهرون بالبنيات التحتية العصرية والتكنولوجيا لي عرفها المغرب – تصاور