كود الرباط//

عبد الإله بنكيران، زعيم البي جي دي، طلع عندو الزهر، ف تصميم التهيئة الجديد للعاصمة واللي تمت المصادقة عليه، واللي صدر فالجريدة الرسمية قبل أشهر قليلة، بحيث جات فيه عمارة من أربع طوابق.

بنكيران ساكن ف فيلا فحي الليمون، فموقع زوين، ودبا جاتو عمارة من أربع طوابق، يعني يا خصو يبيع الدار (ديال مرتو نبيلة) ولا خصو هو يطلع العمارة بلاصت الفيلا.

تصميم التهيئة اعتمد على عدة شروط تقنية ومعمارية باش خرج، وتم توسيع شوارع كثيرة، وكاينين عقارات لمسؤولين كبار ف الدولة غادي تهدم. يعني التصميم مفرقش بين المسؤولين ولا رؤساء حكومات ولا وزراء.

بنكيران كان كيستفد من تقاعد استثنائي عطاه ليه سيدنا بقيمة 7 مليون سنتيم، وفق ما نشرته الصحف، ف مارس 2017.