كود سبور//

عبر البرتغالي جوزي مورينيو مدرب فنربخشة التركي على الفرحة ديالو بتألق لاعب الفريق، المهاجم المغربي يوسف النصيري، وتبورد على المنتقدين له اللي هاجموه حيث وقع معه الصيف الماضي وكانت البداية ديالو صعيبة هذا الموسم مع فنربخشة قبل ما يولي الراس ديالو ماكينة أهداف، مع العلم أن مورينيو دافع على النصيري فبداية الموسم ملي كان مستواه ناقص، وقال إنه غايتطور وتايق فيه.

وهضر جوزي مورينيو فتصريح له على يوسف النصيري، وقال: “تعرضت لانتقادات كثيرة ملي حبنا يوسف النصيري. وحتى النادي تعرض لها حيث خلص بزاف ديال الفلوس فهاد الصفقة، لدرجة أنه كان كلام على إمكانية بيع العقد ديالو للبطولة السعودية فيناير الماضي لتجنب الخسائر المالية، ودابا كانشوفو شكون هو النصيري”.

وكمل مورينيو: “راه النصيري ملي جا عندنا، ما كانش متريني قبل انطلاق الموسم، واللياقة البدنية ديالو ما كانتش مزيانة، وما كانش عندو الوقت باش يلعب مع دزيكو، ودابا ها حنا كانشوفو النصيري ماركا 15 هدف فالبطولة التركية بلا حتى شي بينالتي”.