گود سبور//

ما بغاش البرتغالي جوزي مورينيو مدرب ريال مدريد الإسباني، يدخل فالبوليميك السياسي فقضية سبتة المحتلة والانسياق فلعبة اليمين الإسباني المتطرف والإعلام الإسباني، وقرر عدم التعليق على رفض ثلاثي الفريق، الفرنسيين كيليان مبابي وكوناتي والبرازيلي فينيسيوس جونيور يلبسو توني فيه دعم لسبتة المحتلة، عطاه لهم النادي فالماتش اللي فات ضد التشي ضمن منافسات بطولة إسبانيا.

اليوم السبت وخلال الندوة الصحافية اللي كاتسبق ماتش ريال مدريد وأتلتيكو مدريد غدا الاحد، ما بغاش جوزي مورينيو يهضر على “توني سبتة” اللي ما بغاوش اللاعبين الثلاثة ديال ريال مدريد يلبسوه ضد التشي، ورد ملي سمع السؤال، وقال: “انا كانهضر غير على الكورة”.

جوزي مورينيو بهذا الموقف، اكد بطريقتو انه مع موقف اللاعبين الثلاثة واخا ما قلهاش، وشدد على ان الرياضة ما خاصهاش تستغل سياسيا، كيفما كايديرو دابا الاندية الإسبانية ومنهم ريال مدريد، بضغط من اليمين المتطرف الإسباني.