نجوى المالحي-كود//

المركب التجاري “موروكو مول” شهد البارح الخميس إعادة افتتاح متجر “La Fnac” لي كان مسدود أشهر باش يعاودو يقادوه ويولي في طبقة وحدة عوض جوج.

التقسيم الجديد ولا واضح أكثر وكان النصيب الأكبر من المكان للكتب والروايات والإصدارات بالفرونسي والعربية والانجليزية، مع جهة ديال الأجهزة الالكترونية والاجهزية المنزلية والموسيقى والتلفونات وعالم الدراري الصغار.

والجديد في الفناك ديال موروكو مول هو أنهم دارو مكان كبير وواسع لعشاق الألعاب يمكن ليهم يمشيو ويلعبو فيه قدام تلفازات كبيرة.

وكانت الفناك قبل فجوج طوابق لكن المسؤولين في موروكومول فضلو يولي كلشي في الطابق الأول.