وكالات//

نتاشر فيديو كيخلع ديال طالبات ميريكانيات كيدابزو بيناتهم حدا واحد الثانوية ميريكانية، وحدة شدات لخرا وكتضرب ليها رساها مع الأرض حتى كانت غادي تفركعو ليها.

وكيقول البوليس ديال سانت لويس في ولاية ميزوري المريكانية أن البنت لي تضربات تعرضات لإصابات خطيرة بزاف ف راسها.

https://twitter.com/MarioNawfal/status/1766918920529715481

وتقارير صحفية اخرى كتقول بللي البنت ربما ماتت ولكن مازال ماعلنو رسميا على هاد الخبر.

كيبان ف الفيديو كيفاش شدات واحد البنت الراس ديال لوخرا وكتضرب بيه ف الأرض بطريقة عنيفة بزاف، في الوقت لي مجموعة من الدراري كيدابزو مع مجموعة أخرى حدا نفس الثانوية.