الرئيسية > آش واقع > أزمة ساكتة ف”البام” على الاستوزار. بيطار اللي كان معول على حقيبة هاجم وهبي باللي دار المحسوبية
10/10/2021 09:00 آش واقع

أزمة ساكتة ف”البام” على الاستوزار. بيطار اللي كان معول على حقيبة هاجم وهبي باللي دار المحسوبية

أزمة ساكتة ف”البام” على الاستوزار. بيطار اللي كان معول على حقيبة هاجم وهبي باللي دار المحسوبية

أحمد الطيب – كود الرباط //

ناس البام كاعيين ولكن كيهدرو غير فاللقاءات الخاصة. ووفق باميين فشي عشا فكازا لكود” وبعد اعلان عزيز اخنوش عن اعضاء حكومته٬ هاجم الموثق ورجل الاعمال عادل بيطار طريقة اختيار وهبي لوزراء الحزب.

هو عندو الحق. دابا هاداك يونس السكوري اش من علاقة عندو مع الحزب. هادي سنوات وهو بعيد عا تا ولى وزير.

عادل بيطار اللي هو أمين إقليمي للحزب بعين السبع-الحي المحمدي وعضو مجلس جهة الدار البيضاء-سطات وبرلماني الحزب٬ كان مرشح لمنصب وزير او على الاقل دار اسمو قبل.

بيطار ما فهمش كيفاش لائحة وزراء البام دارت وشكون قادها وعلاش تقصاو اسماء خاصة فكازا.

بعدما فشل موثق يقدم نفسه على أنه من قيادات حزب الأصالة والمعاصرة، دشن موسم انتقاد وزراء الحزب في حكومة عزيز أخنوش. وقال إن عملية انتقاء وزراء حزب “التراكتور” من طرف أمينه العام، عبد اللطيف وهبي، طغت عليها الزبونية والمحسوبية.

“كود” حاولات الاتصال اكثر من مرة ببيطار ولكن ما ردش باش تعرف تفاصيل على الغضبة ديالو.

شي باميين ملوك كثر من الملك بغاو ياخدو فيه اجراءات تأديبية علي تشويه صورة الحزب فاللقاءات الخاصة فكازا وقالو باللي حط بسيبتو فمجالس كازا ومازال باغي اكثر. المهم نايضة فهاد الحزب الغريب ولكن بالسكات. عارفين شكون ختار الوزرا وحتى واحد ما يقدر ينتاقد لا الاختيار ولا شكون وراه.

موضوعات أخرى

20/10/2021 21:00

نايضة على تعليق عنصري دارو موقع “So foot” الفرنسي على حكيمي والمغاربة.. ومن بعد بزاف ديال الانتقادات بدلو التعليق وحاولو يفسرو

20/10/2021 20:30

ترونات عاوتاني بسباب كورونا.. ها تفاصيل وقف المغرب للرحلات الجوية مع بريطانيا وتأثيرو على قطاع السياحة وتنقل الأشخاص المرتبطين بهاد البلدان