كود الدوحة ///

متأكد أن المنتخب المغربي غيقدم أداء قوي ومحترم، عندو تركيبة متميزة وحماس كبير، هاذ الشي لصرح به رئيس الاتحاد الأفريقي باتريس موتسيبي، اليوم الاثنين فقطر.

كنشكر خويا فوزي لقجع على كاع داكشي اللي كيقدم للكرة فالمغرب، هو إنسان كيموت على الكرة.

أنا متأكد بأن شي فرقة إفريقية غتربح كاس العالم فالمستقبل، شوفو غير الاستثمارات اللي كيدير المغرب فكرة القدم، إلى جانب بعض الدول اللي كنشجعوها.

هاد الشي قالو موتسيبي، في تصريح للصحافة، مللي حضر لحصة تدريبية ديال الأسود هاد الصباح، في تيران الدحيل بقطر، رفقة فوزي لقجع رئيس الجامعة الملكية المغربية، واللي حفزو اللعابا المغاربة باش يقدمو عروض قوية فكأس العالم ويشرفو المغرب والقارة الإفريقية.