كود سبور//

عبر الجنوب إفريقي باتريس موتسيبي رئيس الاتحاد الإفريقي لكرة القدم، على الفرحة ديالو بالتوقيع شراكة مع الخطوط الملكية المغربية اللي غاتكون راعي رسمي لكاس افريقا 2025، وبطولات اخرى ديال الكاف، وشكر الملك محمد السادس على الدعم ديالو للكورة الافريقية، وشكر فوزي لقجع رئيس الجامعة الملكية المغربية لكرة القدم على الخدمة اللي داير لتطوير كرة القدم المغربية والأفريقية.

وقال باتريس موتسيبي خلال توقيع الشراكة مع لارام، اليوم السبت فالدار البيضاء: “هذا يوم رائع، ويوم تاريخي لكرة القدم فالمغرب، وإريقيا. اسمحوا لي في البداية أن أعرب عن عميق امتناني نيابة عن الاتحادات الأعضاء الـ54 في الاتحاد الإفريقي لكرة القدم للمغاربة، للملك محمد السادس، وشكرًا حتى للرئيس التنفيذي لشركة الخطوط الملكية المغربية، واللي هي شركة طيران واعرة، ودابا ما غنبقاش نركب فالطيارات اللي كانركب فيها وغانولي نركب فالطيرات ديالكم (كايضحك) وشركة الخطوط الجوية الملكية المغربية تجعل المغاربة والأفارقة فخورين، وهي شركة عالمية فالنيفو، وعندها معايير دولية، ومن بين الأفضل فالعالم”.

وكمل موتسيبي: “كانشكر خويا فوزي لقجع على الخدمة اللي داير وعلى الشغف ديالو، وملي تلاقيتو فاش جيت نسيت شحال كنت عيان  بعد رحلتي التي استغرقت 10 ساعات (كايضحك)، وكانشكرو على تطوير كرة القدم فالمغرب ومساهمتي فتطور كرة القدم القارية، وعفاكم صفقو عليه، وكانشكر حتى أساطيرنا، اللي خلاونا فخورين وعفاكم صفقو عليهم”.