كود سبور//

غيجي رئيس الاتحاد الإفريقي لكرة القدم باتريس موتسيبي للمغرب هاد السيمانة، باش يفتتح كأس إفريقيا للفوتسال ’’موروكو 2024‘‘.

وكشف الاتحاد الإفريقي لكرة القدم أن الرئيس ديالو باتريس موتسيبي غيكون حاضر الخميس الجاي فالافتتاح ديال كأس إفريقيا للفوتسال فالرباط.

للإشارة فتذاكر ماتشات كأس إفريقيا للفوتسال بداو كيتابعو ابتداء من 5 العشية ديال اليوم الاحد، وغتلعب منافسات كأس إفريقيا للأمم لكرة القدم داخل القاعة بمدينة الرباط، بقاعتي المجمع الرياضي الأمير مولاي عبد الله وابن ياسين في الفترة الممتدة ما بين 11 و21 أبريل 2024.