گود سبور//

جا الجنوب إفريقي باتريس موتسيبي رئيس الاتحاد الإفريقي لكرة القدم اليوم الاربعاء للمغرب، واستقبلو النائب ديالو الأول فالكاف فوزي لقجع رئيس الجامعة الملكية المغربية لكرة القدم.

ووصل باتريس موتسيبي قبل لحظات من صباح اليوم الاربعاء إلى المغرب وبالضبط لمطار الرباط-سلا، وكان فرحان بالرجوع ديالو للمغرب، وهذه المرة باش يحضر فينال كاس افريقيا للفوتسال العيالات بين المغرب وتنزانيا، اليوم الاربعاء مع 8 الليل فقاعة تيران مولاي عبد الله بالرباط.

وكان باتريس موتسيبي عبر فشحال من مناسبة على الفرحة ديالو ملي كايجي للمغرب، وآخرها قبل 10 أيام ملي جا لكازا باش يوقع على اتفاقية شراكة بين الكاف ولارام، ويحضر فينال كاس افريقيا لأقل من 17 عام، وقال إنه فرحان بالتواجد بالمغرب، وأن مراتو ملي عرفاتو غايجي للمغرب قالت له ديني معاك.