گود سبور- الرباط//

خرج الجنوب افريقي باتريس موتسيبي راسو من قضية المشجعين الـ18 والجزائري اللي تحكمو فالمغرب حيث دارو الشغب ففينال كاس افريقيا، وقال ان السنغال هضرو معه باش يتدخل ولكن هو قالهم ان هذا الشي عند القضاء المغربي وان الأمر يتعلق بسيادة دولة.

وخلال الندوة اللي دارها باتريس موتسيبي اليوم الخميس فالرباط، كشف باتريس موتسيبي، ان السنغاليين هضرو معه ملي كان فالسنغال على المشجعين السنغاليين اللي تحكمو فالمغرب، وقال ان هذا الشي وقع فالتيران وانه كايحترم القضاء المغربي وكايتيق فيه.

باتريس موتسيبي اكد ايضا ان هذا الشي كايتعلق بسيادة المغرب وما يمكنش يتدخل فيه، وان الحل ممكن يكون بحكومة المغرب والسنغال.