كود – كازا ///

حذرات مواقع إسبانية، من موجة كبيرة ديال الحريگ لمدينة سبتة في الويكاند الجاي، كيوجدو ليها گروبات ديال الواتساب واخا البوليس والقوات العمومية مزيرة الشغل ف الفنيدق والضواحي ديالها.

وأضافت التقارير ذاتها، أن محادثات كثيرة عبر تطبيقات التواصل الاجتماعي والمراسلات الفورية كتحاول تنسق الجهود بين الراغبين في محاولة الهجرة السرية لمدينة سبتة.

وحسب المصادر ذاتها، هاذ المحادثات لا نهاية لها وتنشط بشكل خاص في ساعات الليل، حيث يناقش مئات الشباب المغاربة منذ أيام محاولة هجرة جماعية إلى سبتة، مع تحديد تاريخ افتراضي بحال الصباح بكري ديال الاحد الجاي.