29/09/2023 13:00
جهادي مغربي “خطير” كيسوگ الرموكات ودايرين ليه براسلي. بات ما صبح واستنفار أمني فالصبليون باش يشدوه
كود – عن RFI//
الراديو الفرنسي RFI دار حوار مع مهندس معماري مغربي سميتو ايلي مويال متخصص السكن التقليدي والبني الترابي. فهاد الحوار مويال قدم طريقة بناء تشاركية لهاد المسكان المؤقتة كتعتمد على استعادة المواد المستعملة وغطا رغوي عازل باش يقدرو يدوزو الشتا بلا برد بلا مشاكل .
واقتارح المهندس موديل ديال نوالة 2.0 يتسترو فيها الناجين من الزلزال ويدوزو فيها البرد. وقال انه عوض مانبنيو لهاد الناس بالبني دالمدينة خاص نفكرو بطريقتهم اي بطريقة ناس الجبل.. ونخليهوهم حتى هما يشاركو فالبني دهاد الدويرات.
هاد النموذج مصمم باستخدام طريقة البني التشاركي وماكيتقامش غالي عكس الموديلات الاخرين. وهو نوع من نوالة 2.0، غادي يجمعو الناس دالمنطقة الحجر والبيبان دالحديد وغيرهم والمهندس والكابيني ديالو غايغطيو داكشي برغوى كتعزل وهكا غايمكنو هاد الناس يدوزو الشتا مستورين.
ومن بعد الزلزال المدمر اللي ضرب الحوز، مازال السكان المتضررون اللي فقدوا ديورهم گالسين بشكل مؤقت فخيام فانتظار إعادة بناء منازلهم. وهذا وضع كيثير القلق.
