وكالات//
علنات شركة “ميتا”، اللي كتملك إنستغرام وفيسبوك، على مجموعة جديدة من الإجراءات باش تحمي المراهقين، وأول حاجة هي انها غادي تمنع الفئة العمرية اللي أقل من 16 عام من استخدام ميزة البث المباشر على إنستغرام، إلا حصلو على موافقة رسمية من طرف الوالدين.
وحسب تقرير نشرات صحيفة “الغارديان” البريطانية، هاد الخطوة جات كجزء من مجموعة من الإجراءات اللي غادي تشمل حتى منصات فيسبوك وماسنجر، حيث غادي يتطبق نظام “حسابات المراهقين” اللي كيدير قيود افتراضية على المستخدمين اللي أقل من 18 عام.
هاد القيود كتسمح للوالدين أنهم يتحكمو في وقت الاستخدام اليومي، يمنعو الدخول في ساعات معينة، ويشوفو الحسابات اللي كيتفاعل معاها المراهقين.
الشركة وضحات أن المستخدمين اللي أعمارهم بين 16 و17 عام غادي يقدرو يغيرو هاد الإعدادات براسهم، لكن الأصغر سناً غادي يحتاجو موافقة الوالدين باش يغيرو أي إعدادات.
