الرئيسية > آراء > مهرجان مراكش الدولي للفيلم. الطابي روج للمتطفلين على السينما او كيفاش دير مهرجان وتجيب وجوه ما عندهمش علاقة بالسينما ويحولوه لديفيلي: اش كيدير سيمو بلبشير ونور والحديوي فالمهرجان
05/12/2018 18:30 آراء

مهرجان مراكش الدولي للفيلم. الطابي روج للمتطفلين على السينما او كيفاش دير مهرجان وتجيب وجوه ما عندهمش علاقة بالسينما ويحولوه لديفيلي: اش كيدير سيمو بلبشير ونور والحديوي فالمهرجان

مهرجان مراكش الدولي للفيلم. الطابي روج للمتطفلين على السينما او كيفاش دير مهرجان وتجيب وجوه ما عندهمش علاقة بالسينما ويحولوه لديفيلي: اش كيدير سيمو بلبشير ونور والحديوي فالمهرجان

كود هند لكلاوي مراكش ///

مهرجان سينمائي ناجح كيكون عندو توازن ففقراتو. قلب المهرجان المسابقة الرسمية اللي خاص افلامها تكون قافزة وخاص تكون فيها افلام تعرض لاول مرة باش تجلب اللي باغي يشري وخاص تكون تكريمات ديال بصاح. صورة المهرجان او التوجيهة كتكون هي الطابي روج.

فمهرجان مراكش اللي غبر دورة كاملة ورجع فشل مرة اخرى فهاد الطابي روج. الطابي روج فمهرجانات ديال الصح تكون للسينمائيين والسينمائيات اللي صانعين الحدث. مرة مرة كيعرضو على شي نجم من شاو بيز يدوز. فالمغرب كلشي مقلوب. دبا وحدة بحال نور. ما عندهاش فيلم وفحياتها دارت دور صغير ففيلم اكس شمكار وكل نهار كدوز فطابي روج. رجعاتو ديفيلي. شفنا كاع حوايجها.

نور تعرض مزيان. دوز كل نهار فالطابي روج اهانة للمهرجان. مرة وحدة باراكا. منها عداد. وكاينات شي نكرات بحال ليلى حديوي حتى هي كدير طابي روج. وهادا ماشي مهرجان هادا ولى شي حاجة اخرى.

كيعرضو على شي فنانة ما عمرهم دارو فيلم يمكن وديما كيتبندرو. راه مهرجان السينما ماشي مهرجان التلفزيون. نجوم التلفزيون سلسلة او فيلم يجيو نهار وتكون شي مناسبة معينة ويغبرو.

دابا واحد بحال سيمو بلبشير معروض واش هادا مهرجان. اش كيدير. نتبعوه واخا اللي كيكول ماشي صحيح ونقولو كيدير الصحافة واخا ماشي بصاح. فين هاد الصحافة. يعطينوها غير خدمة وحدة ديالو. اش هاد السيبة. كيعاير اللي كيدوز فالطابي روج وشكون انت. فالمغرب ما عمرك كنتي صحافي. كتقدم راسك وصافي. ما عندكش بطاقة الصحافة. فميريكان هاديك قصة اخرى. وحشم.

اللي خاصو يحشم هو المهرجان اللي مشوه وكيعرض على بحال هادو. خاصو بزاف باش يولي مهرجان اللي كيدوز فالطابي روج خاصو يتساهل. لقيتو الطونوبيلات موجودين ودايرين ما بغيتو.

موضوعات أخرى

20/05/2019 16:15

داهي اگاي “لگود” : الدعوة ضد ابراهيم غالي حطيتها اليوم عند الوكيل العام ومجلس القضاء فإسبانيا و”لي كيكول عني ماني صحراوي ايجي ايواجهني ورمضان مسعود ليس من ضحايا الجبهة (نص الشكاية)

20/05/2019 15:30

“كاين فالمغرب لي فوق القانون”.. هادشي ولا كيبان للمغاربة حقيقة لا غبار عليها بعدما “تعطل التحقيق” فقضية ضرب لاعب الوداد الحسوني بجنوية وإرسال لاعب رجاوي لشاب للسبيطار كوما

20/05/2019 15:00

ميكرو طروطوار گود. سولنا المراكشيين الى وليتي رئيس حكومة اشنو أول حاجة غتبدل فالبلاد‬: الخدمة والصحة والتعليم ونقصو من ثمن المواد الغذائية ونجريو على الوزارا