وكالات//

مهرجان كان السينمائي علن أنه منع واحد الممثل من الحضور للسجادة الحمرا نهار الخميس، بسبب اتهامات توجهات ليه فملف ديال اعتداء جنسي.

الممثل “تيو نافارو موسي” كيلعب دور ثانوي كشرطي ففيلم فرنسي بعنوان “Dossier 137”  ديال المخرج دومينيك مول، واللي غادي يتعرض أول مرة نهار الخميس فالمسابقة الرسمية ديال المهرجان.

حسب مجلة “تيليراما” الفرنسية، هاد الممثل متهم بالاغتصاب من طرف ثلاث ديال الحبيبات السابقات ديالو، ما بين 2018 و2020، ولكن القضية تسدات فالشهر اللي فات حيت ما كانتش الأدلة كافية.

لكن نفس المجلة قالت إن النساء الثلاث ناويين يديرو استئناف ويرفعو دعوى مدنية.

مدير مهرجان كان، تييري فريمو، صرح لـ”تيليراما” أن تيو نافارو موسي ما غاديش يحضر حيت كاين استئناف جاري دابا. من جهتو، المحامي ديال تيو نافارو نفى هادشي.

والمجلة نقلات على لسان فريمو: “الإجراءات مازال ماشية”، والإدارة ديال المهرجان أكدت القرار والتصريحات ديالو من بعد ما تواصلات معاها وكالة الأنباء الفرنسية (AFP) .