وكالات//

واحد الشخص مات وتجرحو جوج خرين، بعدما شعلت العافية فواحد الباراشيد وطاح فـ مهرجان “المناطيد الأول” اللي كان منظم فبلدية إنريكي استرادا، فولاية زاكاتيكاس شمال المكسيك، وكان هادشي جزء من فعاليات معرض 2025.

فـ فيديوهات اللي تفرقات، باين المنطاد وهو شاعل وهو فالهوا، وكان باين واحد من الركاب شاد فيه قبل ما يطيح من واحد العلو كبير.

السلطات أكدو وفاة واحد الشخص تعرفو عليه رسميًا، وجوج آخرين تصابو بحروق من الدرجة الأولى، ولكن حالتهم ماشي خطيرة.

السلطات المحلية بدات تحقيق جنائي فهاد الواقعة، وبلّغ الأمين العام لحكومة زاكاتيكاس، رودريغو رييس، أن الحادث كان “مؤسف”، وقال بلّي فرق الطوارئ وصلات بسرعة، ودارو نداء باش يشدو إجراءات السلامة فالمناسبات العامة.