وكالات//

ماتو 3 ديال الناس وتصابو 30 اخرين منهم 5 على الأقل فحالة خطيرة، بعدما هاجمات الفيلة مهرجان فمعبد فكيرالا.

الحادثة بدات من بعدما واحد الفيل دخل فحالة هلع بسباب الألعاب النارية اللي طلقوها فالمهرجان فمعبد ماناكولانغارا فمنطقة كوييلاندي. وهاجم فيل آخر، كان واقف قريب، الحشد.

وجات الحادثة بعد أقل من ثلاثة شهور من إصدار محكمة كيرالا العليا لقرارات مشددة حول كيفية عرض الفيلة فالمهرجانات والاحتفالات، ولكن المحكمة العليا رجعت ووقفت هاد القيود وقالت بأن التوجيهات ديال المحكمة “ما كاتنفعش”.

وحسب البوليس ديال الهند، الحشد اللي كان متجمع بدا يجري وهو هارب من الفيلة، وهادشي خلا بزاف ديال الناس يطيحو ويرفسو في بعضياتهم.