كود سبور//

عبر المغربي مهدي بنعطية المدير الرياضي لنادي أولمبيك مارسيليا الفرنسي، على الشكر لكل من تضامن معه بعدما سلط عليه الاتحاد الفرنسي لكرة القدم عقوبة التوقيف لمدة 3 اشهر، بسبب الاحتجاج على حكم الماتش ديال مارسيليا وليل ضمن منافسات كأس فرنسا، وهو الماتش اللي كان تطرد فيه بنعطية.

وخرج مهدي بنعطية قبل لحظات من صباح اليوم الجمعة ونشر تدوينة على إنستغرام، قال فيها: ”بغيت نشكر من أعماق قلبي جميع الناس اللي رسلو ليا بزاف ديال الرسائل.. كانشكركم على ضرافتكم ودعمكم، وفهذه اللحظات اللي كتكون فيها خيبة الأمل قوية، فالشعور بطاقتك وثقتك شي حاجة ضرورية بالنسبة ليا”.

وكمل بنعطية: “ما بقيتش فاهم.. لعبت كرة القدم ديما بشغف واحترام، ودافعت دائمًا عن القيم اللي كاتخلي هذه الرياضة عظيمة، يجب أن تظل كرة القدم مساحة للالتزام الصادق، فين يقدر كلشي يعبرو على ريوسهم بلا خوف”.

وكمل بنعطية وقال فميساج لأولمبيك مارسيليا: “أنتم ماتعرفو شغفي بـOM، وبالتالي عندي تصميم أقوى من أي وقت فات، وحنا كانعرفو هنا فمارسيليا، شنو كايعني القتال والصمود ونزيدو القدام. غانكمل الدفاع معكم ومن أجلكم على قيمنا”.