كود الرباط//
شي ملايرية فالبلاد، غير كيديرو علاقات مع شي مسؤولين والبيزنيس والقوالب ديال الاستثمار، كيوليو يبغيو يحكمو “لازون” ديال التراخيص وكولشي، فمثلا بالجهة الشرقية تبزغ اسم ملايري دار فلوس بين عشية وضحاها كان خدام فالزبل فألمانيا وصبح كيحكم فالاستثمارات فالسعيدية.
هاد الملايري هو اليزيدي، لي دغيا طلع ولاو عندو الكريمات ورخص الألعاب البحرية ومقلع الرمال براس الماء وأرض ديال الدولة فالناظور غايدير فيها فندق بدعم ديال وزارة الاستثمار.
هاد الملايري كيدعي القوة والنفوذ، رغم أن سبق للسلطات سدو ليه مطعم بسبب غياب الجودة وفساد الأطعمة لمدة 15 يوم، وزيد عليها لقاو عندو مركبات بحرية مخدمها بلا رخص. داير فوضى ولكن حصل.
كولشي عارف بلي خدا مارشي ديال اطعام القوات العمومية فكورونا، وعندو ثلاثة مطاعم مشهورة “Marchica Béla ” وprimo beach saidia وWrestaurant marina.
