الرئيسية > آش واقع > من نهار هرب لبلادو.. البيدوفيل الكويتي مكيحضرش فجلسات المحاكمات
22/07/2020 15:30 آش واقع

من نهار هرب لبلادو.. البيدوفيل الكويتي مكيحضرش فجلسات المحاكمات

من نهار هرب لبلادو.. البيدوفيل الكويتي مكيحضرش فجلسات المحاكمات

عفراء علوي محمدي- كود//

قررات محكمة الاستئناف فمراكش تأجيل ملف البيدوفيل الكويتي، اللي اغتصب قاصر عندها 15 سنة، حتى ل18 من شهر غشت جاي.

المتهم، اللي عندو 24 سنة، ماعاودش حضر للجلسات ديال المحاكمة ديالو منهار خوا المغرب بعدما تدخلات السفارة ديال البلاد ديالو باش مايبقاش مشدود، وضمنات الحضور ديالو فالجلسات بعدما تتم متابعتو فحالة سراح.

وطالبات الجمعية المغربية لحقوق الإنسان – فرع مراكش، اللي منصبة راسها طرف مدني للدفاع عن الطفلة، على اعتبار أن هذ الحادث كيقيس الطفولة بصفة عامة وماشي غير الضحية، (طالبات) الدولة باش تتدخل وتطلب تسليم المشتبه فيه باش يحضر قدام المحكمة.

كيف طالبات الجمعية، فبلاغها دائما، لوضع حد للإفلات من العقاب لمقترفي بحال هذ الجرائم، وطالبات من الدولة الكويتية تلتزم بوعودها وتسلم المتهم.

موضوعات أخرى

07/08/2020 19:00

بعد خروج الحسن الكتاني كيتأسف لموت السنيين فانفجار بيروت بلا غيرهم.. رفيقي لـ”كود”: هذا فكر طائفي مسموم ولا إنساني.. والمفروض على القوى الحية تحاربو