الرئيسية > ميديا وثقافة > من نهار تحركَات الكاتدرائية تزاد الطلب على مسرحية “أحدب نوتردام”
19/04/2019 01:00 ميديا وثقافة

من نهار تحركَات الكاتدرائية تزاد الطلب على مسرحية “أحدب نوتردام”

من نهار تحركَات الكاتدرائية تزاد الطلب على مسرحية “أحدب نوتردام”

أسماء غربي -كود//

مصائب قوم عند قوم فوائد. هادشي لي وقع مع موقع “أمازون” لي تزاد عندو الطلب بشكل كبير في بيع مسرحية “أحدب نوتردام” وهادشي من بعد أيام قليلة على حريق الكاتدرائية.

الموقع قال أن “DVD” ولا هو أكثر المنتجات الفرنسية رواجا في المنصات عندهم، وكيبيعو النسخ بترجمات بالاسبانية والانجليزية وحتى الألمانية. الديفيدي كيتباع بـ150 درهم تقريبا والمدة ديالو 135 دقيقة.

وكانت المسرحية حطمات رقم قياسي في 1998 ودخلات موسوعة گينيس كالمسرحية لي تباعو فيها أكبر عدد ديال التذاكر في عام واحد، وتم تصنيف “Belle الأغنية كأفضل أغننية ديال القرن العشرين في فرنسا.

وحتال اليوم وواخة دازت 5 أيام على الحريق مازال مامعروفش كيفاش وعلاش شعلات العافية في “نوترو دام دو باري”.

موضوعات أخرى