وكالات//

تفاجأ واحد الراعي ديال الغنم فتركيا بدبّ كبير كيتسلق شجرة باش يهرب من الكلاب ديالو، فتصرف ماشي متوقّع من حيوان مفترس بحالو.

هاد الحادث وقع فولاية “توكات” فشمال تركيا، فواحد البلاصة باردة اللي فيها الدببة بداو كيخرجو من السبات الشتوي، وولات كتشكل خطر على الرعاة و الفلاحين.

وحسب الإعلام التركي، الراعي اللي سميتو محمد أتشيكيل، وعندو 54 عام، سمع الكلبة ديالو من نوع “كانغال” كتنبح بزاف حدا القطيع.

وكانت الصدمة ديالو منين شاف دبّ غليظ طالع فوق شجرة هارب من الكلاب اللي هجمو عليه وخلاوه يهرب لفوق.