وكالات//

اللاعب الفرنسي ديال ريال مدريد كريم بنزيما كيستعد باش يستقبل مولودو الرابع من صاحبتو المانكان الميريكانية جوردان أوزونا.

الصحافة الفرنسية قالت إن صاحبة بنزيما حاملة بولدو الرابع، بعد ولادو الثلاثة الأولين من عيالاتو لي طلق.

وواخة كانو باغيين العلاقة بيناتهم تكون سرية إلا أن الصحافة، وخصوصا الإسبانية كانت ديما كتقول في الأشهر الأخيرة أن بنزيما على علاقة بمانكان ميريكانية ولكن بلا ما تكشف على سميتها.

وعلى قبلها دوز كريم بنزيما العطلة الصيفية عند صاحبتو جوردان أوزونا في ميريكان، وهادشي لي عزز لخبار لي كانت كتخرج في الصحافة لي مقابلة المشاهير.

ومن بعد الفوز ديال بنزيمة بالكرة الذهبية اختارت جوردان أوزونا أنها تأكد الشائعات ونشرات تصاور ليها هي وبنزيمة في الطيارة.

ونشرات جوردان أوزونا تصويرة وهي هازة الكرة الذهبية لي ربح بنزيما وكيبان انعكاس وجهها في الكورة.