كود سبور//

طيح الاتحاد الأفريقي لكرة القدم عدد من الحكام اللي كانوا حاكمينها فلافريك فجميع المسابقات، وحيدهم من لاليست ديال الحكام اللي غيلعبو كأس إفريقيا 2023، اللي غتلعب عام 2024، فالوقت اللي كاينين حكام مغاربة فالمسابقة.

وكيتعلق الأمر بكل من الكامبي باكاري كاساما اللي كان حكم ففينال عصبة أبطال أفريقيا 2019 بين الوداد الرياضي والترجي التونسي ففضيحة رادس، والسنغالي ماكيت نداي، والزامبي جاني سيكازوي، وهادو حكام اللي كانوا كيتنابو فالسنوات الماضية على قيادة الماتشات المهمة فالبطولات الأفريقي.

وبالمقابل اختار الاتحاد الأفريقي 32 حكم اللي غيشاركو فكوب دافريك بالكوت ديفوار، من بينهم 2 حكام وسط مغاربة هما سمير الحزاز وجلال جيد، والحكام المساعدين كاين زكرياء برينسي، والحسن أزكاو، ومصطفى أكركاد، وزكرياء برينسي، وبالنسبة للمساعدين د الفار كاين عادل زرواق.