وكالات//

طالبو أكثر من 300 شخصية من عالم الفن والثقافة فالمملكة المتحدة، من بينهم الممثل بينيديكت كومبرباتش ونجمة البوب دوا ليبا، نهار الخميس رئيس الوزراء يوقف إرسال السلاح لإسرائيل ويساهم فإيقاف إطلاق النار فغزة.

وكتبُو هاد الفنانين والمثقفين فواحد الرسالة اللي حتى هي موقعة من طرف المغنية آني لينوكس، والفنانة تريسي إمين، والممثلين ريز أحمد، وتيلدا سوينتون، ونومي راباس: “كنطلبو منكم تتخذو إجراءات عاجلة باش توقفو تواطؤ بريطانيا فهاد الجرائم اللي كاينة فغزة”.

وجاو فالرسالة: “كنطالبو بوقف فوري لكل المبيعات ورخص التصدير ديال السلاح من بريطانيا لإسرائيل، واستعمال كل الوسائل الممكنة باش توصل المساعدات الإنسانية لغزة بلا تدخل عسكري، وكندعيوكم تتحملو المسؤولية وتفاوضو على وقف إطلاق النار بشكل عاجل ودائم، وتوقفو المجاعة اللي كتعاني منها غزة، خصوصا الأطفال”.

وقالت جوزي نوتن، اللي هي مؤسسة مشاركة فجمعية “تشوز لوف” اللي كتعاون اللاجئين وكانت من ورا هاد المبادرة، أن “الهضرة ما غاديش تنقذ ولاد فلسطين اللي كيموتو، الهضرة ما غاديش تعمر كروشهم الخاوية، خاصنا تحرك دابا من كير ستارمر”.