وكالات//

كيسعاو العلماء يسرعو الوصول لعلاجات للأمراض اللي كتضرب الأعصاب وكتخلي الحالة كتدهور مع الوقت، بحال الزهايمر، وعوض ما يطورو أدوية جديدة من الصفر (لي كتكون غالية وكتاخد سنوات)، توجهو لفكرة أذكى: يعاودو يستعملو أدوية مُعتمدة من قبل لعلاج أمراض أخرى.

فهاد الإطار، تقييم علمي حديث حط دواء ضعف الانتصاب المعروف باسم Viagra  من بين أبرز الأدوية اللي ممكن يكون عندها دور فالحماية من الزهايمر. ومعاه حتى لقاح الهربس النطاقي Zostavax، ودواء Riluzole اللي كيستعمل فالتصلب الجانبي الضموري.

النتائج جاو بعد مراجعة دارتها لجنة فيها 21 خبير، درسو ملفات وأدلة سريرية ومعطيات طبية بدون ما يعرفو مصدر الترشيحات.

اللجنة خدمو بطريقة علمية سميتها “توافق آراء دلفي”، وهي منهج كيستعملوه الأطباء باش يوصلو لقرار جماعي مبني على إجماع واسع. وفالأخير، اختارو 80 دواء باين فيهم أمل فالتعامل مع الزهايمر، ولكن 3 أدوية تصدّرو اللائحة.