كود – وكالات//

قال الممثل الأمريكي براد بيت أنه رجع يشرب لالكول من بعد 7 سنين كاملة وهو مبعد على الشراب.

براد بيت، اللي سبق ليه هضر على المعاناة ديالو مع لالكول وعلى الرحلة الصعيبة اللي داز منها باش يحبس، قال فحوار مع مجلة Esquire إنه«رجع» للشراب، ولكن هاد المرة بالقياس.

هاد الاعتراف كيرجع يفتح من جديد واحد الصفحة الحساسة من حياة براد بيت، خصوصاً أنه سبق ليه كشف أن المشكل كان مرتبط بواحد المرحلة الصعيبة اللي عاشها من بعد الانفصال ديالو على أنجلينا جولي ف 2016.

الممثل، اللي عندو فيرمةMiraval الشهيرة ففرنسا ديال الفان، قال إلى أنه كيقدر يشرب كويسات، ولكن بالقاعدة.

حياة براد بيت ما كانتش ترونكيل خصوصاً بعد العلاقة  مع أنجلينا جولي، اللي تعرف عليها فتصوير فيلم Mr. & Mrs. Smith سنة 2005.

الكوبل تزوجو ف 2014، قبل ما تطلب جولي الطلاق عام 2016، وسط خلافات كبيرة استمرت لسنوات.

أنجلينا جولي سبق ليها اتهمات براد بيت بالعنف الأسري، وتكلمات فوثائق قضائية على واقعة قالت إنها طرات وسط طائرة خاصة ف 2016، بحضور ولادهم.