وكالات //

من بعد 3 الأشهر على حظر الحساب ديالها، “تويتر” قرر أنه يصالح عالمة الفلك الشهيرة ماري ماكنتاير ويرجع ليها الكونت ديالها.

هاد الخطوة جات بعدما شرا أيلون ماسك “تويتر”، ورجع لحساب لبزاف ديال المشاهير لي كانو محظورين، منهم ماري ماكنتاير.

ماري ماكنتاير كانت نشرات فيديو ديال نيزك كيدوز من فوق دارها، وهادشي لي اعتبراتو سياسة تويتر مخالف ليها.

وكانت قضية حظر لحساب ديال ماري ماكنتاير كبرات بعدما قالت أنها غادي تدعي المنصة لأن الفيديو ما كان فيه حتى لقطة أو إيحاء إباحي.

منصة BBC خصصات فقرة في برنامجها على القضية ديال حظر ماري ماكنتاير من التويتر، وهادشي لي خلا التقنيين في المنصة يتواصلو معاها ويحاولو يحلو المشكل.

ومن بين المشاهير لي مشا ليهم الكونت في “تويتر” الرئيس الميريكاني السابق دونالد ترامب، وواخة العلاقة لي كتجمعو بأيلون ماسك ما رجعش ليه الحساب ديالو.