وكالات //

جائحة كورونا أثرات على بزاف ديال القطاعات وخصوصا البيران و الريسطورات، وبسبابها سد مؤخرا أقدم بار فبريطانيا بيبانو، اللي هادي أكثر من 1229 عام وهو كيقدم خدماتو  للكليان ديالو.

البار سميتو “Ye Olde Fighting Cocks”، وكاين فمنطقة “هيرتفوردشاير” (Hertfordshire) شمال العاصمة لندن، واللي كان حل بيبانو لأول مرة تحديدا عام 793 ميلادية.

مدير البار “كريستو توفالي” أعلن على خبر السدان، نهار 4 فبراير الفايت، من خلال بيان على موقع “فايسبوك”، وقال أنه دار أكثر من جهدو باش يبقاو حالين لكن أزمة كورونا هلكاتهم بزاف ماديا ومابقاش عندهم الجهد فين يصبرو أكثر.

https://www.facebook.com/YeOldeFightingCocks/posts/4651473991569177

البار كان شاهد على بزاف ديال الأزمات بحال الطاعون، والحرب العالمية الأولى والثانية، ولاكريز المالية اللي وقعات فـ2009 لكن أزمة جائحة كورونا جابت ليه الكاو.