كود بني ملال//

فحركة سريعة ومباشرة بعد مسيرة عيالات تالحيانت، انتقل الكاتب العام لعمالة خنيفرة ورئيس قسم الشؤون الداخلية لعند دوار تالحيانت، باش يشوفو الوضع بعينيهم ويسمعو لمطالب السكان. اللقاء كان مباشر مع المحتجات، واللي جاب نتيجة ملموسة: اختيار عشر نساء باش يمثلو ساكنة الدوار داخل مقر العمالة ويكونو صوتهم مسموع ويمثلوا مطالبهم بشكل رسمي.

الجلسة كانت فرصة باش يتم الاتفاق على تدخل عاجل لتحسين وسائل النقل، مع تحديد مهلة زمنية لدراسة باقي الملفات اللي كتمس البنية التحتية والخدمات الأساسية. العامل أهوران ، و
بيّن باللي الاستجابة كانت فورية، الساكنة حسّات باللي صوتها وصل وتم التعامل معاه بجدية.

وابتداءا من اليوم ، بداو فعليا أشغال إصلاح المقطع الطريق المتضرر اللي كيربط دوار تالحيانت بالطريق الوطنية. هاد الخطوة مهمة بزاف، حيث الطريق كانت كتسبب مشاكل كبيرة فالعبور والتنقل اليومي للسكان، والآن مع الإصلاحات المنتظرة، غادي يتحسن الوضع بشكل كبير وتقل المعاناة اليومية.

هاد الحادثة كلها كتبين الدور الكبير ديال المسؤول الترابي لي خاصو يكون خدام وعلى بال ، الساكنة حسات بالفرح وبان صوتها مسموع وتخاد بجدية، وكتمنى الاستجابة لباقي المطالب.