وكالات//

كتاشف واحد المواطن ميريكاني سميتو كين ويلسون، أنه كان كيخلص الورقة ديال الما والضو ديال جارو لمدة 18 عام بلا ميعيق.

على حساب ماقالت بزاف ديال التقارير الصحفية الميريكانية، فهاد السيد لي تحول لسان فرانسيسكو، عام 2006 كان كيجيه الما والضو غالي بزاف، مقارنة مع الجيران ديالو، ولكن كان كيصحاب ليه أنه عادي وتجاهل الأمر.

وبعدما الرجل حس بأن هادشي بزاف، مشا شرا واحد لاباراي خاصة، ولاحظ أن المكانة ديال الضو كتخدم واخا طفا كاع الأضواء والأجهزة لي عندو في الدار، وهو شي لي خلاه يمشي يشكي للشركة.

الشركة، دارت التحريات ديالها وكتاشفات أن السيد كان كيخلص الورقة ديالو وديال جارو لمدة 18 عام، وعتارفات الشركة بالخطأ ديالها وعطاتو تعويض ديال الفلوس.