وكالات//

من بعد ما بانُو علانية لأول مرة قبل أيام فـ الملهى الشهير “كريزي هورس” فـ باريس، فـ احتفالية بعيد ميلاد المغنية كاتي بيري الـ41، كيبان أن الوزير الأول الكندي السابق جاستن ترودو طاح على زنافرو مع نجمة البوب الأميركية.

حسب مصدر قريب، ترودو مولّع بها بزاف، وكيشوفها هي المرأة المثالية ليه. وقال المصدر: “راه معجب بها بزاف، وكيتلاقاو فكلشي تقريباً، حتى فالمواضيع ديال السياسة، والأولاد، والماكلة الفرنسية”، كيفما قالت صحيفة “Page Six” المتخصصة فالأخبار الفنية.

وأكد نفس المصدر أن العلاقة بيناتهم فيها “العشق والشغف”.

وتقال إن الشائعات على العلاقة بين السياسي الكندي والمغنية المعروفة بدات فـ يوليوز اللي فات، منين تشافو كيتعشاو فمطعم فاخر سميتو “لو فيولون” فمونتريال.

ومن بعد أيام، تشاف ترودو كيحضر فحفلة ديال بيري ضمن جولتها “لايفتايمز” فـ مركز بيل فمونتريال.