الرئيسية > الزين والحداكة > من بعد “غلطة كبيرة’.. فاتي جمالي غادي تعتذر للناس بأغنية جديدة وحايرة بزاف فالقرار النهائي
21/02/2020 09:00 الزين والحداكة

من بعد “غلطة كبيرة’.. فاتي جمالي غادي تعتذر للناس بأغنية جديدة وحايرة بزاف فالقرار النهائي

من بعد “غلطة كبيرة’.. فاتي جمالي غادي تعتذر للناس بأغنية جديدة وحايرة بزاف فالقرار النهائي

نجوى المالحي-كود//

الممثلة والمانكان فاتي جمالي لي دخلات عالم الغناء مؤخرا، ممفاكاش مع تحقيق داكشي لي بغات وغادي دير أغنية جديدة بعنوان “عفوا”.

وكشفات فاتي لي تلقات انتقادات كبيرة بزاف بعدما خرجات أغنية “غلطة كبيرة” لي شدات بيها الطوندونس المغربي في يوتوب، وجمعات أكبر عدد “ديسلايك”، أنها كتوجد أغنية جديدة فبوسط حطاتو عبر حسابها على انستگرام.

والتبركَيكَة لي جابت “كود” أنه فاتي حايرة بزاف بين تصورها على طريقة الفيديو كليب ولا لا. خصوصا أن الاغنية الأولى ديالها خسرات فيها الفلوس بزاف.

وفي نفس الوقت خايفة تكون الأغنية بدون كليب ويضيعو ليها المشاهدات باعتبار أنها هي مغنية استعراضية فقط وصورتها هي لي مغطية على صوتها حيت ضعيف.

موضوعات أخرى

09/04/2020 19:57

حصيلة كورونا فالعالم هذ النهار: ميريكان تجاوزات 22 ألف إصابة اليوم وسبقات سبانيا فالوفيات وفرانسا باطات الركور وسجلات 1341 وفاة ف24 ساعة والإصابات فبريطانيا وتركيا كيرتفع