وكالات //

من بعد عام والناس كتسنا، علنات السلطات فدولة نيبال أخيرا، على النتائج لي دارتها على كارثة تحطم طيارة ف شهر يناير من العام لي فات، وماتو فيها 68 واحد وهو عدد الركاب لي كانو فيها.

وعلى حساب ما قالت لجنة التحقيق النيبالية، ف الطيارة كانت فحالة تقنية مزيانة، ولكن بان ليهم بأن خطأ بشري هو المسؤول على الكارثة الجوية، لي كانت هي الكارثة الأخيب فتاريخ البلاد.

وقالت اللجنة في الرابور ديالها أن واحد من الطيارين شد فالمقبض الخاطئ ووقعات الكارثة.

وأكدات أيضا، أن الطيارين مردوش البال لبزاف ديال الحوايج قبل ما توقع الكارثة من بينها أن الماطر بجوج ديال الطيارة سكتو.