كود ـ سبور//

الأداء ديال أمرابط مع مانشستر يونايتد مزال مسلط عليه الأضواء سواء بالإيجاب أو السلب، خصوصا بعد التغيير للي كان يوم أمس فدوري الأبطال منذ الشوط الأول.

غاري نيفيل الأسطورة الأخرى ديال مانشستر يونايتد فحديث مع صحيفة Manchester evening  علق على أدوار أمرابط فوسط الميدان د مانشستر، وقال بأنه كيشوف أن أدوار أمرابط الدفاعية رائعة خصوصا فالجري والاندفاع وإغلاق المساحات بسرعة.

نيفيل قال بأن أمرابط هو الانتقال اللي تسناه مانشستر الصيف كامل لأن اللاعب محتاجاه منظومة مانشستر بقوة، ولكن بجانب كاسيميرو، لأن أمرابط ميقدرش يكون عندو هاد الصفات وكذلك قراءة اللعب.

نيفيل قال بلي تين هاغ غادي يلعب بأمرابط وكاسميرو فشي ماتش، وتما غيبان الفرق.